افكار لانش بوكس للمدرسة

كل أم بتحتار في فترة المدرسة ازاي تحضر وجبة مدرسية لذيذة للطفل و تفتح نفسه للأكل ، هقدملكم شوية افكار لانش بوكس جديدة وهيحبها الأطفال جدا ، تابعوا معايا ..

افكار لانش بوكس للمدرسة:

1- الفكرة الأولى:

• سندويتش تركي مدخن مع شيدر
• علبة زبادي صغيرة
• شوية توت أو موزة

2- الفكرة التانية:

• كاساديا جبنات أو توست جبنات سايحة
• شوية طماطم شيري
• شوية فراولة
• زجاجة عصير

3- الفكرة التالتة:

• كرات من الكفتة 
• قطع خبز تورتيا
• شرايح خيار
• تفاحة

4- الفكرة الرابعة:

• 2 بيضة مسلوقة
• جزرة 
• 2 توست
• خوخة
• 2 بسكويت مملح

5- الفكرة الخامسة:

• سلطة مكرونة
• علبة زبادي
• جرانولا بار
• موزة

6- الفكرة السادسة:

• سندويتش مربى المفضلة
• قليل من الشيبسي
• فصوص برتقال 
• عبوة ماء

7- الفكرة السابعة:

• بيض اومليت قطع
• شرايح خيار 
• قطعة عيش
• عبوة عصير

8- الفكرة التامنة:

• سندويتش فراخ مقطعة متبلة
• قطع خس
• ثمرة كيوي 
• علبة زبادي فواكة

9- الفكرة التاسعة :

• زبدة فول سوداني في توست
• ثمرة موز 
• شوية مقرمشات مملحة
• عبوة لبن بالشوكولاتة

10- الفكرة العاشرة:

• كريب ملفوف بالرومي المدخن والشيدر
• طماطم شيري وخيار
• شرايح برتقال او فصوص يوسيفي
• عبوة ماء

و من وقت للتاني ممكن تقدمي لاطفالك شرايح بيتزا أو سندويتش همبورجر متحضر في البيت أو قطع ناجتس مع بطاطس محمرة في الفرن أو مع خضار مشوي

وبالهنا.

نصائح

0

طريقة بهارات الكبسة في البيت

بتحبي انك تعمل البهارات في البيت علشان تكوني ضامنة المكونات ؟ هنقولكم طريقة عمل بهارات الكبسة بمكوناتها المظبوطة علشان تخزنيها و تستخدميها كل ما تحتاجي ..

بهارات الكبسة :

المكونات :

• ربع كوب الحبهان المطحون. 
• ربع كوب قرنفل مطحون
• ربع كوب قرفة مطحونة.
•  ربع كوب اللّومي المطحون.
•  ملعقة كمّون مطحون.
•  ملعقتان الفلفل الأسود مطحون
•  ملعقة كزبرة مطحونة.
•  ربع كوب الكاري.
•  ملعقة صغيرة جوز طّيب مطحون
•  ملعقة شطة ناعمة

طريقة بهارات الكبسة :

- في برطمان زجاجي نضيف جدا و ناشف نحط كل المكونات و نقلبها كويس ، ونغطي البهارات بغطى محكم و نسيبها في مكان جاف و بعيد عن الحرارة و اشعة الشمس لغاية ما نحتاجها للاستعمال .

- لازم نستخدم ملعقة نضيفة و جافة علشان البهارات متبوظش .

نصائح

0

سلطة الفيتا بالفراخ المشوية من المطبخ اليوناني

تعالوا نتعرف على طبق لذيذ و صحي و كمان منسب للدايت لانه مشبع جدا و هو سلطة الفيتا بالفراخ المشوية من المطبخ اليوناني ، تابعوا معانا المقادير و الخطوات بالتفصيل ..

سلطة الفيتا بالفراخ المشوية :

المقادير :

• 1/8 كيلو جبنة فيتا قطع
• 3 شرايح صدور فراخ مخليه
• 1/4 كيلو طماطم شيري نصين
• 5 ورقات ريحان طازة
• ملعقتان كبيرتان زيت نباتي
• ملعقة كبيرة زيت زيتون
• رشة ملح 
• رشة فلفل اسود
• ملعقة كبيرة عصير ليمون

طريقة سلطة الفيتا بالفراخ المشوية :

1. الاول هنغسل صدور الفراخ كويس جدا بالمياه و الدقيق و الخل و نشطفها بالمياه كويس .
2. هنتبل الصدور بالملح و الفلفل الاسود و نسيبها نص ساعة تقريبا 
3. على الشواية او طاسة نسخن زيت نباتي و نشوي فيها صدور الفراخ من على الجنبيبن كويس جدا .
4. في طبق صغير هنخلط زيت الزيتون مع عصير الليمون و الملح و الفلفل الاسود كويس.
5. في بولة كبيرة هنقلب الطماطم مع الجبنة الفيتا مع اوراق الريحان و صدور الفراخ ،  وبعدين هنصب عليها التتبيلة و نقلب كويس جدا .
6. هنقدم السلطة مع شريحتين من التوست الاسمر او نص رغيف بلدي ..

بالهنا ..

سلطات

0

بان كيك الشوفان الصحي اللذيذ

عايزين وصفات صحية و لذيذة و كمان تنفع للدايت ؟ تعالوا اعرفوا معايا على طريقة عمل بان كيك الشوفان الصحي جدا و المشبع بالتفصيل ..

بان كيك الشوفان :

المقادير :

• 2 كوب شوفان
• 3 كوب لبن
• 3 بيض
• 1/2 دقيق ابيض
• ملعقة كبيرة بيكنج بودر
• رشة ملح
• ملعقة كبيرة زين نباتي

طريقة بان كيك الشوفان :

1. في بولة نحط الشوفان و نصب عليها اللبن و نسيبها لمدة ليلة كاملة .
2. في بولة نضرب البيضات كويس جدا .
3. نحط على الشوفان البيضات المخفوق و نضيف عليها الدقيق و البيكنج بودر و الملح و الزيت و نقلب كويس جدا بالمضرب اليدوي لغاية ما تمتزج المكونات .
4. في طاسة تيفال نسخنها على نار متوسطة ، و نغرف من الخليط البان كيك و نصبها في الطاسة و نسيبها على النار الهادئة لغاية ما تظهر بفقاعات و نبعدين نقلبها لغاية ما تاخد لون دهبي شهي .
5. نقدم البان كيك مع قطع فواكة .

بالهنا ..

صحي

0

سلطة الكول سلو البسيطة بتتبيلتها اللذيذة

علشان تعملوا سلطة الكول سلو بطريقة بسيطة و سهلة و زي المطاعم ،، اعرفوا معايا طريقة عمل السلطة المفضلة للكل مع تتبيلتها البسيطة و اللذيذة ..

سلطة الكول سلو اللذيذة :

المقادير :

• كمية من الخس المبشور
• كمية من الكرنب الابيض المبشور
• كمية من الكرنب الاحمر المبشور
• كمية من الجزر المبشور 
• 1/2 كوب مايونيز
• 2 ملعقة كبيرة سكر او عسل نحل
• 1 1/2 ملعقة كبيرة عصير ليمون
• ملعقة كبيرة خل ابيض
• 1/2 ملعقة صغيرة فلفل اسود ناعم
• 1/4 ملعقة صغيرة ملح

طريقة عمل سلطة الكول سلو اللذيذة :

1. في بولة كبيرة هنخلط الخس من الكرنب و الكرنب الاحمر و الجزر كويس جدا .
2. في بولة صغيرة غويطة هنحط المايونيز مع السكر او العسل و نقلب كويس ، هنضيف الملح و الفلفل الاسود مع الخل و عصير الليمون و نقلب كويس لغاية ما تمتزج تماما .
3. هنصب كمية من خليط التتبيلة على الخضروات المبشورة و نقلبها كويس و هندخلها التلاجة لغاية وقت التقديم ، و نقدمها باردة ..

بالهنا ..

سلطات

0

التراميسو بالطريقة الاصلية مع البدايل المتاحة

التراميسو من الحلويات الايطالية اللي حبها الكل كبار و صغيرين ، هعرفكم على اسهل طريقة لعمل التراميسو بالطريقة الاصلية و بالبدايل المتوافرة في كل منزل ، تابعوا معايا ..

التراميسو بالطريقة الاصلية :

المقادير :

• كوب كريمة خفق تقيلة للحلويات
• كوب جبنة ماسكربون بحرارة المطبخ او جبنة كريمي 
• 1/3 كوب سكر بودرة
• 2 كوب اسبريسو او نسكافيه مركز
• باكيت بسكويت ليدي فينجرز او بسكويت سادة
• قليل من الفانيليا
• علبة قشطة "اختياري"
• كمية من الكاكاو الحلو

طريقة عمل التراميسو بخطوات بسيطة :

1. في بولة نضرب الكريمة مع السكر البودرة بالمضرب الكهربائي كويس لغاية ما يتقل قوامها .
2. هنحط الجبنة على خليط الكريمة و نضرب تاني كويس مع اضافة القشطة .
3. هنصب الاسبريسو في طبق غويط، نغمس حبات البسكويت سريعا في الاسبريسو و نرصها في طبق بايركس لعمل طبقة .
4. هنفرد طبقة من الكريمة على البسكويت ، و بعدين نكرر طبقة البسكويت المغموس في الاسبريسو و اخيرا نفرد طبقة من الكريمة .
5. هنزين التراميسو بكمية من الكاكاو و نغطيها تماما
6. نحط التراميسو في التلاجة لمدة 4 ساعات على الاقل قبل ما نقديمها ، نقطعها و نقدمها باردة .

بالهنا ..

حلويات

1

النودلز الصيني الشهي

المطبخ الصيني معروف باطباق النودلز ، هعرفكم على ابسط طريقة لعمل النودلز الصيني الشهي بطريقته الاصلية الرائعة ، تابعوا معايا الخطوات :

النودلز الصيني الشهي :

المقادير :

• نص كيلو من النودلز بالبيض
• ملعقة كبيرة زيت سمسم
• 2 ملعقة كبيرة صلصة محار
• 2 ملعقة كبيرة صويا صوص ملح خفيف
• معلب مرقة مفتت
• ملعقة كبيرة ابيض 
• نص ملعقة صغيرة معجون هريسة حار 
• ثمرة فلفل اخضر شرايح
• ثمرة فلفل رومي احمر شرايح
• ثمرة جزر صغيرة شرايح رفيعة
• 2 ملعقة كبيرة زنجبيل مفروم
• فص ثوم مقطع
• ثمرة بصل كبيرة شرايح
• ملعقة كبيرة زيت نباتي 

طريقة النودلز الصيني الشهي :

1. نغلي كمية مياه في حلة ، نسلق فيها كمية النودلز لمدة 3 دقايق او لغاية ما تستوي و نصفيها كويس .
2. في طاسة بقاعدة سميكة و تيفال نسحن الزيت و نشوح فيه شرايح البصل و قطع التوم مع الزنجبيل و الجزر و نقلب كويس .
3. نحط الفلفل الرومي و نقلب لمدة دقيقتين بس ، هنصب الخل و نقلب كويس جدا لغاية ما المكونات تتشرب السائل .
4. هنحط الهريسة مع مكعب المرقة و الصويا صوص و صوص المحار مع زيت المحار في الطاسة و نقلب ، و بعدين نرفع الطاسة من على النار .
5. نحط النزدلز المسلوقة على الخضروات و نرفعها على النار تسخن المكونات ، و هتكون الاكلة جاهزة للتقديم .

بالهنا ..

وصفات

0