شوربة الطماطم من المطبخ الامريكي

كتر منا ميعرفش انواع للشوربات تكون مختلفة و لذيذة ، تعالوا اعرفوا معنا طريقة عمل شوربة الطماطم من المطبخ الامريكي  بخطوات بسيطة جدا و بمكونات متوافرة في كل منزل ....

شوربة الطماطم اللذيذة من المطبخ الامريكي :

المكونات :

•  7 اكواب طماطم مقشرة و بدون بذر
• كوب جزر مبشور
• 2 كوب شوربة فراخ
• كوب الا ربع بصل مبشور
• 3 ملاعق كبيرة زبدة
• 3 ملاعق كبيرة دقيق
• 2 ملعقة صغيرة ملح بحر
• ملعقة كبيرة سكر ابيض
• كوب لبن
• 2 ملعقة صغيرة ريحان جاف
• 1/2 ملعقة صغيرة  فلفل اسود ناعم 
• 1/4 ملعقة صغيرة توم بودرة 

طريقة شوربة الطماطم من المطبخ الامريكي :

1. في حلة على نار متوسطة الحرارة نغلي المرقة مع كمية الجزر المبشور و الطماطم المقطعة و البصل المبشور لمدة نص ساعة و نحط معاها السكر و الملح .
2. في طاسة على نار متوسطة الحرارة ندوب الزبدة و نحط عليها الدقيق و نقلب كويس لغاية ما يسخن و مياخدش لون ، نصب عليه اللبن بالراحة جدا و نقلب بشكل مستمر لغاية ما يدوب الدقيق في اللبن و يتقل قوامه شوية .
3. نتبل خليط الدقيق و اللبن بالفلفل الاسود و التوم البودرة مع الريحان و نقلب كويس جدا .
4. نصب خليط اللبن على خليط الطماطم و نسيبها على نار هادية جدا لمدة ساعة تقريبا .
5. نضرب الخليط في الخلاط الكهربائي او بالبلاندر لغاية ما تكون سايلة تماما ، ثم نسخنها مرة تانية و هتكون الشوربة جاهزة للتقديم .

نصب شوربة الطماطم في اطباق التقديم و نزينها باوراق من البقدونس ..

 بالهنا ..

مطبخ امريكي

2

كرات الجبنة المنفوخة الفرنسية

عايزين طبق مقبلات لذيذ و مختلف و كمان شكلها مختلف جدا ، تعالوا اعرفوا معايا وصفة كرات الجبنة المنفوخة الفرنسية الشهية ..

كرات الجبنة المنفوخة الفرنسية :

المقادير :

  • كوب دقيق لكل الانواع
  • نص ملعقة صغيرة ملح
  • نص ملعقة صغيرة فلفل اسود ناعم
  • نص ملعقة صغيرة زعتر ناشف
  • نص ملعقة صغيرة شطة
  • قطعة فلفل حار صغيرة مفرومة
  • كوب لبن كامل الدسم
  • اصبع من الزبدة
  • 6 حبات بيض كبيرة
  • نص كوب جبنة باميزان او رومي مبشورة
  •كوب الا ربع جبنة غوريير او شيدر او جودة مبشورة
  • كوب بيبروني مقطع "اختياري"
  • ملعقتان كبيرتان لبن
  • ملعقتان كبيرتان باميزان مبشورة

طريقة كرات الجبنة المنفوخة الفرنسية :

1- في بولة نحط الدقيق مع الملح و الفلفل الاسود و الزعتر و رشة الشطة و الفلفل الحار و نقلب كويس .
2- في حلة نحط الزبدة و اللبن على نار هادية الحرارة لغاية ما تغلي و نحط عليها خليط الدقيق و نقلب بملعقة خشب لغاية ما تتكون معانا عجينة و نرفعها من على النار .
3- نفصل بياض عن الصفار عن بيضة واحدة .
4- نحط العجينة في بولة او عجان و نقلبها كويس بالملعقة او بالعجان على سرعة هادية و نكسر معاها بيضة كاملة و نقلب كويس لغاية ما يتشرب البيض .
5- نحط الاربع بيضات الباقية على العجينة و نعجن كويس و في الاخر نحط البياض المفصول و نعجن كويس لغاية ما تكون عجينة طرية و سلسة .
6- نحط على العجينة كمية الجبنة البارميزان او الرومي مع الغوريير او الشيدر و نقلب كويس جدا .
7- نحط العجينة في كيس حلواني و نشكلها في صاج على ورقة زبدة سواء كرات متوسطة الحجم او اصابع صغيرة الحجم
8- في طبق صغير نضرب الصفار المتبقي مع ملعقتين اللبن و ندهن بيها كرات الجبنة و نرش في الاخر حبة باميزان مبشورة .
9- نحط الصينية في فرن سخن مسبقا على حرارة 220 درجة لمدة 10 دقايق و بعدين نخفض درجة حرارة الفرن ل150 درجة و نسيبها لمدة 15 دقيقة تقريبا لغاية ما تاخد لون دهبي و تكون الكرات جاهزة للتقديم .

مقبلات

0

فراخ بالليمون مع البطاطس اليونانية اللذيذة

عايزين تقدموا طبق لذيذ و مختلف و صحي كمان ؟ هقولكم على طريقة فراخ بالليمون مع البطاطس اليونانية ، هو طبق بسيط و سهل و مغذي جدا ..

فراخ بالليمون مع البطاطس اليونانية :

المقادير :

• خمسة اوراك فارخ
• اربع ثمرات بطاطي متوسطة الحجم
• نص كوب زيت زيتون
• عصير ثمرتان ليمون
• ملعقتان كبيرتان ربحان جاف
• ملعقتان كبيرتان اوريجانو جاف 
• ملعقة كبيرة ملح
• ملعقة كبيرة فلفل اسود ناعم
• ملعقتان كيرتان من بهارات عشبة الليمون
• كوب فاصوليا خضراء مقطعة 

طريقة فراخ بالليمون مع البطاطس اليونانية :

1. اولا نغسل اوراك الفراخ كويس جيدا  بالمياه و الخل و الدقيق علشان نشيل اي ريحة زفارة فيها ، و نسيبها تصفي المياه في مصفاه
2. في بولة نحط زيت الزيتون مع عصير ليمونة واحدة و الريحان و الاوريجانو و الملح و الفلفل الاسود و البهارات و نقلبهم كويس جدا .
3. نقشر البطاطس و نقطعها مكعبات صغيرة و نحطها في التتبيلة و نقلبهم كويس .
4. نحط قطعة من وزق الزبدة كبيرة في صينية و نرص عليها الاوراك و نحط معاها مكعبات البطاطس بجزء من التتبيلة ، و نسيب شوية على جنب .
5. نرش عصير الليمونة الباقي فوق الفراخ و البطاطس .
6. نسخن الفرن على درجة حرارة 220 درجة مئوية و نحط الصينية بعد ما نغطيها بورقة فويل لمدة نص ساعة ، و بعدين نحرك ورقة الزبدة شوية علشان البطاطس متلزقش .
7. نسيب الصينية ربع ساعة كمان في الرفن تكمل سواها ، في الوقت ده نخلط الفاصوليا بشوية التتبيلة الباقية كويس ، ون حط الفاصوليا مع الفراخ و البطاطس .
8. و نسيب الصينية شوية في الفرن لغاية ما الفاصوليا الخضراء تدبل و تطرى و المكونات تتشرب العصارة لمدة ربع ساعة تقريبا ، و هتكون الوصفة جاهزة للتقديم .

تعتبر وصفة فراخ بالليمون مع البطاطس اليونانية من اشهى الوصفات و مغذية جدا ، اتمنى تعجبكم ..

بالهنا ..

وصفات

0

اللبنة اللبناني بالزبادي الرائعة

و مين فينا مش بيحب اللبنة خاصة اللبنة اللبناني بالزبادي اللذيذة و الرائعة ، هقدملكم ابسط طريقة لها علشان تقدموها مع كل الاكلات الحلوة ، و هي كمان مغذية جدا و خفيفة على المعدة ..

اللبنة اللبناني بالزبادي الرائعة :

المقادير :

• كوب و نص زبادي
• ربع كوب زيت زيتون
• ملعقة كبيرة من النعناع الطازة المفروم
• ملعقة كبيرة من الشبت المفروم
• نص ملعقة صغيرة ملح 

طريقة اللبنة اللبناني بالزبادي الرائعة :

1. في بولة نخلط زيت الزيتون مع النعناع و الشبت و الملح كويس جدا .
2. نصب الزبادي على التتبيلة و نقلب كويس و هتكون اللبنة اللبناني جاهزة ، نحتفظ بيها في التلاجة لوقت التقديم .
3. نصب اللبنة في طبق التقديم و نزينها بورقات من النعناع الطازة .

نقدم اللبنة اللبناني بالزبادي باردة مع كل الاطباق الرئيسية سواء لحم او فراخ او سمك ..

بالهنا ..

مقبلات

0

تشيز كيك اليابانية الهشة

عايزين تعرفوا وصفة من المطبخ الياباني ، هقدملكم التشيز كيك الهشة اللذيذة جدا ، و هي مختلفة عن التشيز كيك التقليدية اللي كلنا عارفينها ..

تشيز كيك اليابانية الهشة :

المقادير :

• ربع كيلو جبنة كريمي
• نصف كوب لبن 
• تلت ملاعق كبيرة زبدة عير مملحة
• عشر ملاعق كبيرة دقيق حلويات
• ملعقتان كبيرتان نشا
• ست صفار بيض
• ست بياض بيض
• ملعقة كبيرة عصير ليمون
• ربع ملعقة صغير كريم ترتار
• رشة ملح
• عشر ملاعق كبيرة سكر ناعم

طريقة تشيز كيك اليابانية الهشة :

1. في بولة نحط الجبنة الكريمي مع اللبن و الزبدة و نضربهم كويس بالمضرب الكهربائي لمدة ربع ساعة تقريبا .
2. نحط خليط الجبنة في حلة صغيرة و نحطها على النار الهادية و نقلب شوية لغاية ما تسيح لمدة 5 دقايق و نرفعها من النار و نسيبها تبرد خالص .
3. نقلب الدقيق مع النشا و نصب عليها خليط الجبنة و نقلب كويس جدا ، و نحط صفار البيض و عصير الليمون و نقلب بالمضرب اليدوي كويس لغاية ما يتجانسوا مع بعض .
4. في بولة تانية نحط البياض مع الكريم ترتار و نضربهم بالمضرب الكهربائي كويس جدا و نحط ملعقة ملعقة من السكر لغاية ما تخلص الكمية في وقت الضرب لغاية ما البياض يزيد حجم و يبقى زي الفوم 
5. نحطملعقتين من البياض على خليط الصفار و نقلبهم مع بعض كويس ، و بعدين نحط خليط الصفار على البياض و نقلب براحة من تحت لفوق علشان الهوا ميطلعش بالملعقة .
6. نصب خليط التشيز كيك في صينية بتتفتح مقاسها صغير و سورها عالي ، و نحطها في صينية فيها كمية مياه و نسويها على الحمام البخاري في فرن سخن على حرارة 160 درجة لمدة ساعة و ربع 
7. نطفي نار الفرن و نسيبها لمدة ساعة جوا الفرن و نفتح بابه شوية ، وبعدين نطلعها تبرد كويس و نفتح الصينية و نطلع التشيز كيك و نقدمها .

بالهنا ..

حلويات

0

الرز المكسيكي السهل جدا

ندخل على المطبخ المكسيكي و هبدأ سوا باسهل الاطباق و هي الرز المكسيكي السهل و طعمه رائع هيعجبكم جدا ، تابعوا معايا 

تفاصيله ..

الرز المكسيكي السهل :

المقادير :

• كوب و نص رز بسمتي طويل الحبة
•  كوبان مرقة فراخ
• نص كوب عصير طماطم
• ربع كوب بصل شرايح
• تلت ملاعق كبيرة زيت نباتي
• ملعقة صغيرة ملح
• نص ملعقة كمون مطحون

طريقة الرز المكسيكي السهل :

1- في حلة على نار متوسطة الحرارة نسخن الزيت و نحط عليه الرز و نقلب كويس لغاية ما يسخن جدا ، نرش عليه الملح و الكمون و نقلب كويس .
2- نحط شرايح البصل على الرز و نقلب و نسيب البصل يطرى شوية ، و نخلط المرقة مع عصير الطماطم و نصبها على الرز و نقلب مرة واحدة .
3- نغطي الحلة و نسيبها على نار اقل من المتوسطة لغاية ما تغلي و يبدأ الرز يتشرب المرقة .
4- نقلل درجة حرارة النار و نحط صفيحة الرز و نسيبه لمدة تلت ساعة تقريبا مع تقليبه بالشوكة و هيكون الرز جاهز للاكل ..

جربوا طريقة الرز المكسيكي و اتمنى تعجبكم ..
بالهنا ..

وصفات

0

تبسي الفراخ من المطبخ العراقي

تبسي الفراخ من اشهر الاكلات العراقية المناسبة للعزومات جدا ، هنعرف سوا مقاديرها و خطواتها بالتفصيل ..

تبسي الفراخ من المطبخ العراقي :

المقادير :

• فرخة مقطعة اربع قطع
• بصلتان متوسط الحجم مقطعة شرايح
• تلت ثمرات طماطم
• ثمرتان باذنجان
• ثمرتان بطاطس
• تلت ملاعق كبيرة زيت نباتي
• ملعقة كبيرة دبس الرمان
• ملعقة صغيرة ملح
• ملعقة صغيرة كزبرة ناشفة
• ملعقة صغيرة كمون ناعم
• ملعقة صغيرة بهارات فراخ
• ملعقة صغيرة توم بودرة
• مكعب مرقة
• كوب مياه

طريقة تبسي الفراخ من المطبخ العراقي :

1. الاول نغسل الفرخة كويس جدا بالمياه و الملح و الدقيق و بعدين نشطفها كويس بالمياه بس .
2. نقطع البطاطاس و الباذنجان و الطماطم لحلقات .
3. في بولة نقلب الزيت من الملح و الكزبرة و الكمون مع بهارات الفراخ و التوم البودرة و مكعب المرقة و نضيف عليهم دبس الرمان .
4. نحط قطع الفراخ المغسولة في بولة مع التتبيلة و نقلبهم كويس و نسيبها في التلاجة لمدة ساعة تقريبا تتشرب من طعم التتبيلة .
5. في طاسة نسخن شوية من الزيت و نشوح فيها الباذنجان و البطاطس الحلقات لغاية ما يدبلوا شوية .
6. في صينية نرص حلقات البطاطس و الباذنجان و الطماطم و شرايح البصل و نرش عليهم رشة ملح و رشة بهارات فراخ و نحط قطع الفراخ المتبلة ، و نصب التتبيلة على كل مكونات الصينية .
7. في الاخر نصب كوب المياه في جانب الصينية و نغطيها بقطع من ورف الفويل .
8. ندخل الصينية في فرن سخن على حرارة 180 درجة لغاية ما تستوي شوية و نشيل ورقة الفويل ونسيبها تتشرب المياه ، نشغل الشواية لدقايق لغاية ما تاخد تحمر .
9. نطلع صينية تبسي الفراخ من الفرن و نقدمها و هي سخنة مع رز بالشعرية .

بالهنا ..

وصفات

0

لحم باربيكيو على الطريقة الكورية

المطبخ الكوري كتير مننا ميعرفوش ، هعرفكم على اكلة خفيفة و لذيذة من المطبخ الكوري و هي لحم باربيكيو بس على طريقتهم المختلفة ، تابعوا معايا الوصفة ..

لحم باربيكيو على الطريقة الكورية :

المقادير :

• كيلو لحم ستيك
• ربع ثمرة بصل ابيض شرايح
• ثمرتان بصل اخضر كاملة مقطعة
• تلت كوب صويا صوص
• تلت ملاعق كيرة سكر
• ملعقتان كبيرتان سمسم محمص
• تلت فصوص توم مهروس
• ملعقة كبيرة زيت سمسم
• ربع ملعقة فلفل احمر حار مقطع صغير
• ربع ملعقة صغيرة زنجبيل مفروم
• تمن ملعقة صغيرة فلفل اسود ناعم
• ملعقة صغيرة عسل نحل 

طريقة لحم باربيكيو على الطريقة الكورية : 

1. في بولة نحط البصل الابيض مع البصل الاخضر و الصويا صوص و السكر و نضيف عليهم السمسم مع التوم المهروس و قطع الفلفل الاحمر و الزنجبيل المفروم و نرش عليهم الفلفل الاسود و نقلب المكونات معاهم زيت السمسم.
2. نقطع اللحم الستيك لشرايح طولية ، نحط شرايح اللحم في التتبلية و نقلب كويس و نسيبها في التلاجة لمدة ساعة على الاقل .
3. في طسة على درجة حرارة نار متوسطة ، نشوح فيها شرايح اللحم المتبلة و نحط معاها عسل النحل و نفضل نقلب لغاية ما تستوي اللحم لمدة خمس دقايق ، وهتكون جاهزة للتقديم .

نقدم شرايح اللحم الباربيكيو مع ارز بسمتي مع شرايح بصل اخضر و قطع بروكلي مسلوق..

بالهنا ..

وصفات

0

شرايح الستيك مع البروكلي من المطبخ الصيني

كتير مننا بيحب يجرب اكلات جديدة و خاصة لو كانت سهلة و مفيدة ، هقدملكم طريقة شرايح الستيك مع البروكلي من المطبخ الصيني اللذيذ ..

شرايح الستيك مع البروكلي من المطبخ الصيني :

المقادير :

• نص كيلو لحم ستيك
• تلت كوب صوص محار
• ملعقتان صغيرتان زيت سمسم
• ملعقتان كبيرتان خل تفاح
• ملعقة صغيرة صويا صوص
• ملعقة صغيرة سكر ابيض
• ملعقة صغيرة نشا
• تلت ملاعق كبيرة زيت نباتي
• شريحة من الزنجبيل مفرومة
•  فص توم مفروم
• نص كيلو بروكلي مقطع

طريقة شرايح الستيك مع البروكلي من المطبخ الصيني :

1. في بولة نقلب صوص المحار مع زيت السمسم و الصويا صوصو مع خل التفاح و السكر و النشا كويس جدا لغاية ما يدوب السكر و النشا .
2. نقطع لحم الستيك لاصابع طويلة و نحطها في خليط النشا و نقلب كويس لغاية من اللحم تتغلف بالخليط  و نغطي البولة و نسيبها في التلاجة نص ساعة على الاقل تتبل .
3. في طاسة كبيرة نسخن الزيت النباتي على حرارة متوسطة و نشوح فيها الزنجبيل و التوم لمدة دقيقة واحدة .
4.  نحط البروكلي المقطع في الطاسة مع التوم و نقلب لغاية ما لونه يكون اخضر لامع لمدة 5 دقايق تقريبا .
5. نطلع البروكلي من الطاسة و نسيبه على جنب ، نزود شوية زيت في الطاسة و نسيبها تسخن ، نحط شرايح الستيك مع التتبيلة لغاية  ما تتشربها و تستوي .
6. نحط البروكلي مع اللحم في الطاسة و نقلب كل المكونات مع بعضها على نار متوسطة الحرارة لمدة تلت دقايق ، و تكون الوصفة جاهزة للتقديم .

نقدم شرايح الستيك مع البروكلي مع ارز بسمتي مسلوق و نرش عليها حبة سمسم محمص ..

بالهنا ..

وصفات

0